وسط ضجة الأغاني والكلمات والأحاديث المتبادلةفي أحد مطاعم الوجبات السريعةوسط زحمة الحواديت والضحكات والأكلاتبواقي بطاطس..صينية...زبالة...وسط زحمة الحواديت والضحكات والأكلاتنسينا الإنسانونسينا نفسناصرنا تائهين في الحياة بلا هدفنجري ورا الحواديت والضحكات والأكلاتفلا نشبعونظل نجريعلنا نشبعلكننا لن نشبع أبداًطالما نجري ورا الحواديت والضحكات والأكلات
(محاولة قديمة ربما من ٢٠٠٤ - من أحد مطاعم الوجبات السريعة)

لكل من صدق حلمه وسمع قلبه

لروبرتو، حازم شاهين، الأخت امانويل ...
كلمات قديمة من ٢٠٠٤، جايز فيها قدر من الجنون والسذاجة
وجزء من الحقيقة
والحكم متروك لكل إنسان عنده قلب

جوة فقلبك حلم بريء
دور عالطريق...
لو كل الناس من حواليك
بصوا وقالوا ربنا يهديك
الفلوس وحدها تحميك،
ما تمشيش ويا القطيع
ولا تعرض حلمك للبيع
حتى لو مشيت ضد التيار
حتى لو بقيت في حيرة ونار
و مش عارف إيه تختار
اسمع قلبك، دور فيه
راح تعرف إيه اللي مخبيه
لسة فقلبك:
نقطة نور عايزة تنور تملا الكون،
لسة فيه عصفور أسير نفسه يطير ويروح لبعيد،
لسة فيه حبة خردل مستنية في يوم تتحول
تبقى في ليلة شجرة كبيرة
مادة في الأرض رجليها
وتعاكس السما بإيديها.
لسة فقلبك:
حلم صغير عارف إنه في يوم راح يكبر
لو آمنت بنقطة نور
وغنيت ويا العصفور
وصدقت فحبة خردل
إنها ممكن يوم تتحول.
حرر حلمك سيبه يطير
واحضن كل الكون بإيديك
حب حياتك.. حب الناس
عيش كل دقيقة بإحساس:
إنك في الدنيا لأسباب
لاهي صدفة ولا غلط فحساب
عيش بحلمك..عيش لحلمك
وأكيد راح تلقى نفسك
لو بس سمعت قلبك...
جوة فقلبك حلم بريء
دور عالطريق...